Ayni kunlarda Marokash poytaxti Rabot shahrida karate bo‘yicha Premyer liga musobaqasi bo‘lib o‘tmoqda. Quvonarlisi, unda ishtirok etgan vakilimiz Sadriddin Saymatov shohsupaga ko‘tarildi.
-60 kilogramm vazn toifasida bahs olib borgan vakilimiz yarim finalda turkiyalik Samdan Erayga imkoniyatni boy berib, bronza medali uchun kechgan bahsda yaponiyalik Minami Yunosukedan ustun keldi. Ta’kidlash joiz, Premyer liga musobaqasi Tokio Olimpiadasiga katta reyting ochkolarini taqdim etadi. Bu bilan hamyurtimiz Olimpiada reytingidagi o‘rnini ancha yaxshilab oladigan bo‘ldi.