Bangkokda o‘tayotgan boks bo‘yicha Osiyo chempionatining to‘rtinchi kun dasturida Hasanboy Do‘smatov hindistonlik Amit Pangalga qarshi chorak final jangi uchun ringga ko‘tarildi.
-52 kg vazn toifasidagi bahslarda tajribali raqibga qarshi jang Do‘smatovning mag‘lubiyati bilan yakunlandi va u turnirni erta tark etadigan bo‘ldi.
Qayd etish kerakki, Amit Hasanboy Do‘smatov uchun jiddiy raqib hisoblanardi. Hasanboy bu 22 yoshli bokschi bilan bir necha bor to‘qnash kelgan, 2017 yili Hamburgda o‘tkazilgan jahon chempionatida chorak finaldagi o‘zaro jangdan keyin ham uni o‘zi uchun noqulay raqib sifatida atagandi. Bu ikki bokschi 2017 yiliToshkentda o‘tkazilgan Osiyo chempionatida ham o‘zaro jang qilgan va o‘zbekistonliksportchi qiyinchilik bilan g‘alaba qozongandi. 2018 yilgi Osiyo o‘yinlarida esa Amit finalda g‘alabaga erishib, Do‘smatovni oltin medaldan mahrum qilgandi.
Shu tariqa, Osiyo chempionatida O‘zbekiston boks terma jamoasi ilk yo‘qotishga uchradi - bungacha O‘zbekiston vakillaridan to‘rt nafari yarim final yo‘llanmasini hal qilgandi.
