Xabaringiz bor, 26-27 aprel kunlari Coca  Cola  Superligada 6-tur uchrashuvlari bo‘lib o‘tadi.

Mazkur tur doirasida 26 aprel, juma kuni “Dinamo” o‘z maydonida “Navbahor” jamoasini qabul qiladi. 

So‘nggi kunlarda yurtimiz bo‘ylab yomg‘ir tez-tez yog‘ayotgani barchaga ma’lum. Kecha kun bo‘yi yomg‘ir yoqqani sabab Samarqanddagi “Dinamo” stadionida suv to‘plangani va o‘yin boshqa sanaga ko‘chishi mumkinligi borasida OAVda xabarlar tarqaldi.

“Dinamo” klubi mazkur holat yuzasidan stadionni suvdan tozalash ishlari olib borilgani va stadion 6-tur o‘yinini o‘zida qabul qilishga tayyor ekanini ma’lum qildi.

“Dinamo” — “Navbahor” uchrashuvi avvaldan belgilanganidek 26 aprel kuni soat 17:30da bo‘lib o‘tadi. 

Shuningdek, mazkur tur doirasidagi “Surxon” — “Andijon” uchrashuvi esa Surxondaryo viloyati hokimligining mamlakat rahbariyatining ehtimoliy tashrifi munosabati bilan o‘yinni boshqa sanaga ko‘chirish bo‘yicha so‘roviga asosan 27 aprel kunidan 29 aprel sanasiga ko‘chirildi. 

Mazkur bahs 29 aprel kuni soat 17:30da bo‘lib o‘tadi.