Birinchi bo‘limni Sulsher shogirdlari juda yaxshi o‘tkazishdi. Birinchi bo‘lim so‘ngida Sterlingda yuzaga kelgan vaziyatni inobatga olmaganda, maydon egalari himoyada mustahkam harakat qilishdi.

"Shaharliklar" ikkinchi bo‘limni juda kuchli boshlashdi va o‘yin taqdirini hal qilishdi. Bernardu Silva jarima maydonchasining o‘ng burchagidan kirdi va kutilmaganda zarba berdi. De Xea esa yaqin burchagidan to‘pni o‘tkazib yubordi.

"MYU" vaziyatni o‘nglash maqsadida tezda oldinga tashlandi va bir nechta hujumlar tashkil qildi. Ayniqsa, Lingard yaqin masofadan bo‘sh qolgan darvozani ishg‘ol eta olmadi. To‘p sakrab kelgani uchun Jessining oyog‘iga tegmay qoldi.

Bahsning 66-daqiqasida esa Sterling to‘p bilan katta masofani bosib o‘tdi va Sanega uzatma berdi. Leroy jarima maydonchasi tashqarisidan zarba yo‘lladi. De Xea yana yaqin burchagini yopa olmadi — 0:2.

Qolgan daqiqalarda "Yunayted" deyarli hech narsa qila olmadi va Gvardiola jamoasi g‘alabani o‘zida saqlab qoldi.

Shu tariqa, "Manchester Siti" 89 ochko bilan jadvalda 1-o‘ringa ko‘tarilib oldi. "Shaharliklar" qolgan turlarda "Byornli", "Lester" va "Brayton"ga qarshi maydonga chiqishadi. "Liverpul"ni esa "Xaddersfild", "Nyukasl" va "Vulverxempton"ga qarshi o‘yinlar kutib turibdi. Chempionlik masalasi endi "Siti"ning qo‘lida.

APL, 31-turning qoldirilgan o‘yini
Manchester Yunayted – Manchester Siti 0:2 (0:0, 0:2)
Gollar: 0:1 – 54 Bernardu Silva, 0:2 – 66 Sane.
Manchester Yunayted – De Xea, Lindelef, Smolling, Darmian (Sanches, 83), Shou, Pereyra (Lukaku, 72), Pogba, Lingard (Marsyal, 83), Fred, Yang, Reshford.
Manchester Siti – Ederson, Kompani, Laport, Uoker, Zinchenko, Gyundogan (Danilo, 89), Fernandinyo (Sane, 51), Bernardu Silva, Silva, Sterling, Aguero (Gabriel Jezus, 89).
Ogohlantirishlar: Kompani (10), Pereyra (24), Zinchenko (26), Shou (89).