Tailand poytaxti Bangkok shahrida boks bo‘yicha Osiyo chempionati yakuniga yetdi. Bugun bo‘lib o‘tgan final bahslarning eng so‘ngida eng og‘ir vazn toifasida jang bo‘lib o‘tdi.

O‘zbekistonlik Bahodir Jalolov qozoq bokschisi Qamshibek Qo‘nqabayevga qarshi bahs olib bordi. Hamyurtimiz raqibga nisbatan bo‘y va qo‘llarining uzunligi borasida ustunlikka ega edi va Bahodir bundan ustalik bilan foydalandi.

Jalolov jang davomida zarbalar seriyasini amalga oshirmadi, ammo vaqti-vaqti bilan zarba berib, Qo‘nqabayevning zarba berishiga imkon bermaslikka intildi. Ushbu tanlangan taktikasini berdi va Bahodir g‘alaba qozondi.

Hakamlarning baholari — 4:1 (30:27, 29:28, 28:29, 29:28, 30:27).

Shu tariqa, O‘zbekiston erkaklar delegasiyasi Osiyo chempionatida 4ta oltin medal, bitta kumush va 1ta bronza medallarini qo‘lga kiritishdi hamda umumjamoa hisobida 1-o‘rinni qo‘lga kiritdi.