Tailand poytaxti Bangkok shahrida boks bo‘yicha Osiyo chempionati yakuniga yetdi. Bugun bo‘lib o‘tgan final bahslarida 5 nafar sportchimiz ringga ko‘tarildi. Ulardan faqat bir nafari mag‘lubiyatga uchradi.

91 kg. vazn toifasida ishtirok etgan Sanjar Tursunov chempionlik uchun jangda koreyalik  Xyong Kyu Kim bilan jang olib bordi. Jang tengkurashlar ostida kechdi, hattoki ba’zi vaziyatlarda hamyurtimizning zarbalari aniqroq chiqdi. Ikkinchi raundda jangni boshqarayotgan referi Sanjarga ogohlantirish berib, undan bir ballni olib tashladi.

Hakamlar esa  Xyong Kyu Kim g‘alaba qozonganini e’tirof etishdi — 1:3 (26:30, 27:29, 29:27, 28:28, 29:27).

Shu tariqa, O‘zbekiston erkaklar delegasiyasi Osiyo chempionatida 4ta oltin medal, bitta kumush va 1ta bronza medallarini qo‘lga kiritishdi hamda umumjamoa hisobida 1-o‘rinni qo‘lga kiritdi.