“Nasaf” – AGMK uchrashuvidan so‘ng mehmonlar murabbiyi Hikmat Ergashev quyidagicha fikr bildirib o‘tdi:
- “Nasaf” jamoasini yutuq bilan tabriklayman. Ushbu klub o‘z akademiyasiga ega, tarkibi esa ancha shakllangan jamoa. Biz esa yangi jamoa tuzganmiz. Yigitlar hali bir-biriga to‘la kirishib keta olganicha yo‘q. O‘tgan o‘yinda ham o‘z xatolarimiz evaziga mag‘lub bo‘lgan edik. Bugungi o‘yindagi mag‘lubiyat uchun ham muxlislardan uzr so‘raymiz. Menimcha, bizning jamoamizga xarakter yetishmadi. Qolaversa, jamoani o‘z ortidan ergashtira oladigan yetakchi yo‘q ekani pand berdi, - dedi mutaxassis.
