Fransiya futbol federasiyasi PSJ hujumchisi Neymar Fransiya kubogi musobaqasi finalida muxlisning yuziga tarsaki tushirgani uchun 5 ta o‘yinga chetlatilishi mumkin. Bu haqda Worldnews axborot agentligi xabar bermoqda.
Ma’lumot o‘rnida, Neymar final uchrashuvidan keyin o‘tkazilgan taqdirlash marosimida ishtirok etish uchun zinadan ko‘tarilayotgan vaqt u qo‘l telefoniga suratga olayotgan muxlis yaqinida to‘xtadi va kamerani qo‘llari bilan yopadi. So‘ngra norozi bo‘lgan PSJ muxlisinining yuziga zarba beradi.
Neymar joriy mavsum 14 uchrashuvda 13 marta gol urishga erishgandi.
