Angliya chempionatining 37-turi doirasida «Liverpul» safarda «Nyukasl» klubi mehmoni bo‘ldi. Yurgen Klopp shogirdlari mazkru o‘yinda qiyinchilik bilan g‘alabani o‘z tomonlariga og‘dirishdi.

Tomonlar o‘yin davomida hisobda "quvlashmachoq" o‘ynashdi. Bahsning 13-daqiqasida van Deyk burchakdan yetkazilgan uzatmani bosh bilan darvozaga joylab, mersisaydliklarni hisobda oldinga olib chiqdi. Oradan 7 daqiqa o‘tib esa Atsu hisob tenglashtiruvchi gol muallifiga aylandi. Maydon egalari oradan ko‘p o‘tmasdan raqib darvozasini yana bir marta zabt etishlari mumkin edi, ammo zarba to‘singa tegib qaytdi. 28-daqiqaga kelib Muhammad Saloh "Liverpul"ni yana oldinga olib chiqdi. Oradan 5 daqiqa o‘tib Salohning uzatmasidan keyin Mana darvozabon bilan yakkama-yakka vaziyatga chiqib, darvozabonni dog‘da qoldira olmadi.

Ikkinchi bo‘lim boshida Rondon yana muvozanatni tikladi. "Liverpul"ning urinishlari o‘yin tugashiga 4 daqiqa qolganida samara keltirdi. Qanotdan yetkazib berilgan jarima to‘pini Origi bosh bilan darvozaga burib yubordi.

Shu tariqa, "Liverpul" o‘z ochkolarini 94taga yetkazib, jadvalda 1-o‘ringa ko‘tarilib oldi.

Angliya premyer-ligasi, 37-tur
Nyukasl – Liverpul 2:3 (1:2, 1:1)
Gollar: 0:1 – 13 van Deyk, 1:1 – 20 Atsu, 1:2 – 28 Salax, 2:2 – 54 Rondon, 2:3 – 86 Origi.
Nyukasl – Dubravka, Lassels, Dammett, Mankilyo, Sher (Muto, 90), Xeyden, Ritchi, Ki Son Yon, Atsu, Rondon, Peres.
Liverpul – Alisson, Aleksander-Arnold, van Deyk, Lovren (Milner, 83), Robertson, Fabinyo, Veynaldum (Shakiri, 66), Xenderson, Mane, Saloh (Origi, 73), Starrij.
Ogohlantirishlar: Sher (45), Milner (90).