Англия чемпионатининг 37-тури доирасида «Ливерпуль» сафарда «Ньюкасл» клуби меҳмони бўлди. Юрген Клопп шогирдлари мазкру ўйинда қийинчилик билан ғалабани ўз томонларига оғдиришди.

Томонлар ўйин давомида ҳисобда "қувлашмачоқ" ўйнашди. Баҳснинг 13-дақиқасида ван Дейк бурчакдан етказилган узатмани бош билан дарвозага жойлаб, мерсисайдликларни ҳисобда олдинга олиб чиқди. Орадан 7 дақиқа ўтиб эса Атсу ҳисоб тенглаштирувчи гол муаллифига айланди. Майдон эгалари орадан кўп ўтмасдан рақиб дарвозасини яна бир марта забт этишлари мумкин эди, аммо зарба тўсинга тегиб қайтди. 28-дақиқага келиб Муҳаммад Салоҳ "Ливерпуль"ни яна олдинга олиб чиқди. Орадан 5 дақиқа ўтиб Салоҳнинг узатмасидан кейин Мана дарвозабон билан яккама-якка вазиятга чиқиб, дарвозабонни доғда қолдира олмади.

Иккинчи бўлим бошида Рондон яна мувозанатни тиклади. "Ливерпуль"нинг уринишлари ўйин тугашига 4 дақиқа қолганида самара келтирди. Қанотдан етказиб берилган жарима тўпини Ориги бош билан дарвозага буриб юборди.

Шу тариқа, "Ливерпуль" ўз очколарини 94тага етказиб, жадвалда 1-ўринга кўтарилиб олди.

Англия премьер-лигаси, 37-тур
Ньюкасл – Ливерпуль 2:3 (1:2, 1:1)
Голлар: 0:1 – 13 ван Дейк, 1:1 – 20 Атсу, 1:2 – 28 Салах, 2:2 – 54 Рондон, 2:3 – 86 Ориги.
Ньюкасл – Дубравка, Ласселс, Дамметт, Манкильо, Шер (Муто, 90), Хэйден, Ритчи, Ки Сон Ён, Атсу, Рондон, Перес.
Ливерпуль – Алиссон, Александер-Арнолд, ван Дейк, Ловрен (Милнер, 83), Робертсон, Фабиньо, Вейналдум (Шакири, 66), Хендерсон, Мане, Салоҳ (Ориги, 73), Старриж.
Огоҳлантиришлар: Шер (45), Милнер (90).