"Paxtakor" Osiyo Chempionlar Ligasi 5-turida 6 may kuni "Persepolis"ni qabul qiladi.

"Persepolis" nafaqat Eron, balki Osiyoda ham eng mashhur jamoalardan biri hisoblanadi. Jamoa uy o‘yinlarini o‘tkazadigan "Ozodiy" stadioni aksariyat uchrashuvlar paytida ishqibozlar bilan to‘ladi. Oxirgi ikki mavsumda jamoa Chempionlar Ligasida ham o‘zini ko‘rsatib, kamida yarim finalgacha yetib keldi. O‘tgan mavsumda esa finalda "Kashima Antlers"ga imkoniyatni boy berib qo‘ydi.

"Persepolis" hozirga qadar Eron chempionatida 11 marta, Eron Kubogida esa 5 bor g‘alaba qozongan. Osiyo Kubok egalari Kubogida 1991 yil zafar quchgan. Chempionlar Ligasida esa 5 yarim final va bir bor finalda o‘ynagan. Joriy mavsumda Eron chempionati tugashiga ikki tur qolganda "Persepolis" peshqadam bo‘lib turibdi va chempionlik uchun juda yaxshi imkoniyat hosil qilgan.

2015 yildan buyon tehronliklarni xorvatiyalik mutaxassis Branko Ivankovich boshqarmoqda. U Eron chempionatida ketma-ket ikki bor zafar quchib, Chempionlar Ligasida yuqori natijalarni qayd etib kelmoqda. Bu yil esa uchinchi muvaffaqiyatga yaqin turibdi.

Jamoa safidan Alirizo Beyranvand, Said Jalol Hussayni, Mehri To‘robi, Ali Alipur kabi mahalliy yuqori saviyadagi futbolchilar o‘rin olgan.

"Persepolis"ning Chempionlar Ligasi uchun ro‘yxati bilan tanishing.

Darvozabonlar

1. Alirizo Beyranvand

12.Abulfazl Darvishvand

44. Bozidar Radoshevich (Xorvatiya)

Himoyachilar

3. Shojai Halilzoda

4. Said Jalol Hussayni

13. Hussayn Mahini

15. Muhammad Ansari

17. Mehdi Shiri

28. Muhammad Nodiri

38. Said Ehson Hussayni

69. Ali Moslah Taklimi

Yarim himoyachilar

2. Omid Alishoh

5. Bashar Resan (Iroq)

7. Surush Rafei

8. Ahmad Nurollohi

11. Kamoliddin Kamyabinia

18. Muhsin Rabixon

21. Adam Ne’mati

26. Said Hussaynpur

88. Siamak Ne’mati

Hujumchilar

9. Mehri To‘robi

10. Mehdi Sharifi

19. Mario Budimir (Xorvatiya)

23. Muhammad Amin Asadi

66. Said Karimi

70. Ali Alipur