Xabaringiz bor YCHLda final uchun jang ayovsiz ketmoqda. Ilk uchrashuvdagi yirik hisobdagi mag‘lubiyatga qaramasdan, hech kim «Liverpul» finalga chiqa olmaydi deb ayta olmaydi. Sababi, oldinda bizni «Enfild»dagi jang kutib turibdi. Shunga qaramasdan «Liverpul»da yo‘qotishlar mavjud. APL doirasidagi uchrashuvda miyyasi chayqalishi oqibatida uchrashuvni erta tugatgan Salah, «Barselona»ga qarshi bahsni o‘tkazib yuboradigan ko‘rinadi. Bugun aynan shu mavzuda «Barselona» futbolchilari bildirgan fikrlarni e’tiboringizga taqdim etamiz.

Luis Suarez

Futbolda shunaqasi tez-tez bo‘lib turadi. APL g‘olibligi uchun kurashib turib YCHL haqida o‘ylash juda ham qiyin. Biz Muhammad tezroq salomatligini tiklab olishining tarafdoriman. Men uning javob bahsida ishtirok etishini xohlagan edim. U huddi Messi singari uchrashuvni bezab beradigan futbolchilar sirasiga kiradi. Balki, bazi muxlislar bizni bu xabardan quvonishgan deb o‘ylashar, lekin ishoning aslo bunday emas. Uning tezroq safga qaytishini istaymiz. Biz teng kuchli tarkiblar bilan maydonda kurashishga o‘rganib qolganmiz va bundan sira cho‘chimaymiz.

Valverde

Uning jarohati qo‘rqinchli emas! Uning tezroq safga qaytishiga ishonaman. Men va mening futbolchilarim Salahning tezroq safga qaytishiga umid qilamiz. U bo‘lajak uchrashuvning tomoshabop bo‘lishini ta’minlab beradigan futbolchilardan biri deb be’malol ayta olaman.

Leo Messi

Umid qilaman-ki, biz bilan o‘yinga qadar Muhammad tuzalib ketadi. U kuchli yigit! Men uchun yuqori saviyadagi futbolchilarga qarshi maydonda harakat qilish doimo yoqimli holat. «Liverpul»ning hamma o‘yinchilari so‘zsiz yuqori saviyadagi yigitlar ammo, Saloh ulardan biroz kuchliroq desam, adashmagan bo‘lamiz. U maydonda mo‘’jizalar yaratishni hush ko‘radi va bu ishni yaxshi uddalaydi.