Хабарингиз бор ЙЧЛда финал учун жанг аёвсиз кетмоқда. Илк учрашувдаги йирик ҳисобдаги мағлубиятга қарамасдан, ҳеч ким «Ливерпул» финалга чиқа олмайди деб айта олмайди. Сабаби, олдинда бизни «Энфилд»даги жанг кутиб турибди. Шунга қарамасдан «Ливерпул»да йўқотишлар мавжуд. АПЛ доирасидаги учрашувда мийяси чайқалиши оқибатида учрашувни эрта тугатган Салаҳ, «Барселона»га қарши баҳсни ўтказиб юборадиган кўринади. Бугун айнан шу мавзуда «Барселона» футболчилари билдирган фикрларни эътиборингизга тақдим этамиз.

Луис Суарез

Футболда шунақаси тез-тез бўлиб туради. АПЛ ғолиблиги учун курашиб туриб ЙЧЛ ҳақида ўйлаш жуда ҳам қийин. Биз Муҳаммад тезроқ саломатлигини тиклаб олишининг тарафдориман. Мен унинг жавоб баҳсида иштирок этишини хоҳлаган эдим. У ҳудди Месси сингари учрашувни безаб берадиган футболчилар сирасига киради. Балки, бази мухлислар бизни бу хабардан қувонишган деб ўйлашар, лекин ишонинг асло бундай эмас. Унинг тезроқ сафга қайтишини истаймиз. Биз тенг кучли таркиблар билан майдонда курашишга ўрганиб қолганмиз ва бундан сира чўчимаймиз.

Валверде

Унинг жароҳати қўрқинчли эмас! Унинг тезроқ сафга қайтишига ишонаман. Мен ва менинг футболчиларим Салаҳнинг тезроқ сафга қайтишига умид қиламиз. У бўлажак учрашувнинг томошабоп бўлишини таъминлаб берадиган футболчилардан бири деб беъмалол айта оламан.

Лео Месси

Умид қиламан-ки, биз билан ўйинга қадар Муҳаммад тузалиб кетади. У кучли йигит! Мен учун юқори савиядаги футболчиларга қарши майдонда ҳаракат қилиш доимо ёқимли ҳолат. «Ливерпул»нинг ҳамма ўйинчилари сўзсиз юқори савиядаги йигитлар аммо, Салоҳ улардан бироз кучлироқ десам, адашмаган бўламиз. У майдонда мўъжизалар яратишни ҳуш кўради ва бу ишни яхши уддалайди.