“Manchester Siti” darvozaboni Ederson “Lester”ga qarshi o‘yinda darvozasi dahlsizligini saqlab qoldi.
Shu tariqa braziliyalik posbon APLda 20 ta quruq o‘yin o‘tkazdi va “shaharliklar” tarixida ilk bor bunday natijani qayd etgan darvozabonga aylandi.
Qolaversa, ikki darvozabon (Ederson va Alisson “Liverpul”) 10 yil ichida birinchi marta 20 ta quruq o‘yin o‘tkazishga muvaffaq bo‘lishdi.
Bu natijani 2008/09 mavsum Edvin van der Sar (“Manchester Yunayted”, 21 quruq o‘yin) va Xose Reyna (“Liverpul”, 20) qayd etishgan edi.
