“Manchester Yunayted” yarim himoyachisi Ander Errera yozda PSJ futbolchisiga aylanadi.

AS nashrining xabar berishicha, 29 yoshli futbolchi parijliklar bilan 2023 yilga qadar mo‘ljalangan shartnomaga qo‘l qo‘ygan. Kelishuvga ko‘ra Errera PSJda yilliga 8 mln yevro maosh oladi. 

Uni “MYU” bilan tuzgan shartnomasi shu yilning 30 iyunida tugaydi. Shu tariqa Errera PSJga erkin agent sifatida qo‘shiladi. 

Ma’lumot o‘rnida, Errera “qizil iblislar” safida besh yildan beri o‘ynaydi va shu vaqt ichida  189 ta o‘yinda maydonga tushdi va 20 ta gol urishga muvaffaq bo‘ldi.