“Манчестер Юнайтед” ярим ҳимоячиси Андер Эррера ёзда ПСЖ футболчисига айланади.

AS нашрининг хабар беришича, 29 ёшли футболчи парижликлар билан 2023 йилга қадар мўлжаланган шартномага қўл қўйган. Келишувга кўра Эррера ПСЖда йиллига 8 млн евро маош олади. 

Уни “МЮ” билан тузган шартномаси шу йилнинг 30 июнида тугайди. Шу тариқа Эррера ПСЖга эркин агент сифатида қўшилади. 

Маълумот ўрнида, Эррера “қизил иблислар” сафида беш йилдан бери ўйнайди ва шу вақт ичида  189 та ўйинда майдонга тушди ва 20 та гол уришга муваффақ бўлди.