Yevropa ligasi musobaqasida finalga chiqqan jamoalar nomi aniq bo‘ldi. Ispaniyaning "Valensiya" klubi o‘z maydonida "Arsenal"ni qabul qildi.

Ispaniyalar o‘yinni faol boshlab, bahsning 11-daqiqasidayoq hisobni ochishdi. Keyingi 3-4 daqiqa ichida "ko‘rshapalaklar" ikkita o‘ta xavfli vaziyat yaratishdi. Ammo ular vaziyatni golga aylantira olishmadi. Uchrashuvning 17-daqiqasida esa "kanonirlar" kutilmaganda hisobni tenglashtirishdi: Chex tepib bergan to‘p uchun kurashda mehmonlar raqib jarima maydonchasi atrofida g‘olib chiqishdi va Obameyang darvozani ishg‘ol qildi. Mazkur gol "Valensiya"ning shashtini ancha pasaytirib qo‘ydi.

Maydon egalari ikkinchi taymni ham faol boshlashdiyu, ammo o‘z darvozalaridan to‘p olib chiqishdi. Ushbu gol amalda to‘qnashuv taqdirini hal qilib qo‘ydi. "Valensiya" tezda hisobni tenglashtirgan bo‘lsa-da, ular qolgan daqiqalarda 3ta to‘p kirita olishmasdi. Boz ustiga, "kanonirlar" yana ikkita gol urib, safarda ham g‘alaba qozonishdi.

Pyer-Emerik Obameyang bu bahsda 3ta gol urib, "Arsenal" tarixida yevrokuboklarning yarim final bosqichida "xet-trik" qayd etgan ilk futbolchiga aylandi.

Yevropa ligasi. 1/2 final, javob o‘yini
Valensiya Ispaniya – Arsenal Angliya 2:4 (1:1, 1:3)
Gollar: 1:0 – 11 Gameyro, 1:1 – 17 Obameyang, 1:2 – 50 Lyakazett, 2:2 – 58 Gameyro, 2:3 – 69 Obameyang, 2:4 – 88 Obameyang.
Valensiya – Neto, Garay, Gayya, Pichchini (Soler, 56), Gabriel, Vass, Parexo, Koklen, Gedesh (Ferran Torres, 71), Rodrigo (Santi Mina, 72), Gameyro.
Arsenal – Chex, Kosyelni, Monreal, Kolashinas (Mustafi, 71), Papastatopulos, Torreyra (Genduzi, 80), Meytlend-Naylz, Jaka, O‘zil (Mxitaryan, 62), Lyakazett, Obameyang.
Ogohlantirishlar: Garay (38), Gayya (43), Ozil (62).
Dastlabki o‘yin: 1:3