Superliga 8-turidan o‘rin olgan "Nasaf" - "Qizilqum" (1:1) bahsidan so‘ng navoiyliklar ustozi Hamidjon Aktamov uchrashuv borasidagi o‘z fikrlarini bildirib o‘tdi.

"Bugun muxlislarga yoqadigan ajoyib o‘yin bo‘ldi. Bugungi bahs, shaxsan menga juda ham ma’qul keldi. Bugun bizning jamoamizda ham ko‘plab qulay imkoniyatlar bo‘ldi. Lekin ulardan unumli foydalanishda biroz omadimiz kelmadi. Agar o‘sha vaziyatlardan foydalanganimizda, uyga 3 ochko bilan qaytgan bo‘lardik.

To‘g‘risi, “Nasaf” jamoasiga hamisha havas ko‘zi bilan qaraganman. Ushbu klubning infratuzilmasi, yoshlardan iborat jamoasi ko‘rsatadigan o‘yin menga juda yoqadi. Bugun ikki jamoa ham teng o‘yin namoyish etdi va yakunda do‘stlik g‘alaba qozondi, - dedi Hamidjon Aktamov.