Oxirgi paytlarda jamoamizning uy o‘yinlariga ishqibozlar tashrifi o‘sishda davom etmoqda.
2017 yilgi mavsumdan boshlab muxlislarni stadionga qaytarish maqsadida amalga oshirilayotgan ishlar samara berib kelmoqda. Ikki yil ichida bu miqdor 4207 nafardan 16738 nafar ishqibozga yetgani e’tiborga molik. O‘sish deyarli to‘rt baravarni tashkil qilgan.
2017 yil butun mavsumda bu miqdor 4207, 2018 yil esa 10893 nafardan iborat bo‘lgan.
"Paxtakor" uy o‘yinlariga o‘rtacha tashrif ushbu mavsum (Chempionlar Ligasi ham qo‘shilgan) 16738 nafar ishqibozni tashkil qilmoqda.
"Paxtakor" futbol klubi muxlislarga stadionda ko‘proq qulaylik yaratish maqsadida ishlashda davom etadi. Muxlislarimizga minnatdorchilik bildirgan holda navbatdagi muhim o‘yinlarda ham "Paxtakor"ni qo‘llab-quvvatlashga chaqirib qolamiz.
2019 yilgi muxlislar tashrifi
Paxtakor - Lokomotiv 17550
Paxtakor - Nasaf 14670
Paxtakor - Dinamo 7846
Paxtakor - Metallurg 3357
Paxtakor - Eyr Fors 15572
Paxtakor - Al Ahli 25250
Paxtakor - Al Sadd 32315
Paxtakor - Persepolis 17350
O‘rtacha 16738
