Охирги пайтларда жамоамизнинг уй ўйинларига ишқибозлар ташрифи ўсишда давом этмоқда.
2017 йилги мавсумдан бошлаб мухлисларни стадионга қайтариш мақсадида амалга оширилаётган ишлар самара бериб келмоқда. Икки йил ичида бу миқдор 4207 нафардан 16738 нафар ишқибозга етгани эътиборга молик. Ўсиш деярли тўрт бараварни ташкил қилган.
2017 йил бутун мавсумда бу миқдор 4207, 2018 йил эса 10893 нафардан иборат бўлган.
"Пахтакор" уй ўйинларига ўртача ташриф ушбу мавсум (Чемпионлар Лигаси ҳам қўшилган) 16738 нафар ишқибозни ташкил қилмоқда.
"Пахтакор" футбол клуби мухлисларга стадионда кўпроқ қулайлик яратиш мақсадида ишлашда давом этади. Мухлисларимизга миннатдорчилик билдирган ҳолда навбатдаги муҳим ўйинларда ҳам "Пахтакор"ни қўллаб-қувватлашга чақириб қоламиз.
2019 йилги мухлислар ташрифи
Пахтакор - Локомотив 17550
Пахтакор - Насаф 14670
Пахтакор - Динамо 7846
Пахтакор - Металлург 3357
Пахтакор - Эйр Форс 15572
Пахтакор - Ал Аҳли 25250
Пахтакор - Ал Садд 32315
Пахтакор - Персеполис 17350
Ўртача 16738
