Bugun 14 may kuni o‘zbek futbolining tirik afsonasi, mamlakatimiz futboli tarixidagi eng yorqin hujumchilardan biri Birodar Abduraimov 76 yoshini qarshiladi.
O‘z vaqtida "Paxtakor" tarkibidagi betakror o‘yinlari bilan barcha futbol muxlislarini qalbidan joy olgan Birodar Abduraimov hozirda faxriylar qatorida muxlisu mutaxassislar e’zozida.
Birodar Abduraimovning o‘g‘illari Azamat, Jasur va Bahodir otasi yo‘lidan borib, o‘zbek futboli rivojiga hissa qo‘shib kelishmoqda.
O‘zbekiston futbol assosiasiyasi O‘zbekistonning XX asrdagi eng yaxshi futbolchilaridan biri sifatida e’tirof etilgan, “Shuhrat” medali va “O‘zbekiston iftixori” ko‘krak nishoni sohibi bo‘lgan Birodar Hasanovichni qutlug‘ 76 yoshi bilan qutlaydi va faxriy futbolchimizga mustahkam sog‘liq va oilaviy xotirjamlik tilaydi.
