O‘zbekiston futbol assosiasiyasi mamlakatimizda murabbiylik sohasini rivojlantirish, murabbiylar malakasini oshirish bo‘yicha bir qator chora-tadbirlarni amalga oshirmoqda.    Jumladan, Toshkentda "S" lisenziyasi bo‘yicha O‘FA murabbiylik kurslari boshlangani haqida xabar berib o‘tgandik. 10 kun davom etgan  mazkur kurslarni Dmitriy Kim olib bordi. Unga Oybek Davletmurotov assistentlik qildi. O‘quv kurslari nazariy va amaliy mashg‘ulotlarni o‘z ichiga oldi.   "S" lisenziyasi bo‘yicha O‘FA murabbiylik kurslarida 20 nafar murabbiy ta’lim olganini ham ta’kidlash zarur. Ular orasida Islom Inomov, Aleksandr Kleskov, Pavel Solomin kabi sobiq futbolchilar bor.    Kurslarni muvaffaqiyatli yakunlagan murabbiylar 3 yilga mo‘ljallangan O‘FAning murabiylik bo‘yicha "S" lisenziyasini qo‘lga kiritishdi.