O‘zbekiston futbol assosiasiyasi tomonidan hududiy bolalar-o‘smirlar futbol akademiyalari, bolalar-o‘smirlar sport maktablarida faoliyat yuritayotgan murabbiylar malakasini oshirib borish maqsadida bir qator chora-tadbirlar amalga oshirib kelinmoqda.
Jumladan, akademiyalar va sport maktablarida faoliyat olib borayotgan murabbiylar uchun malakali mutaxassislar ishtirokida turli master klasslar tashkil qilinyapti.
Buxoro viloyatidagi bolalar futbol murabbiylari "Buxoro" PFK klubining mashg‘ulotlariga tashrif buyurishdi.
Ular tajribali murabbiylar tomonidan o‘tkazilgan mashg‘ulotni kuzatib, tahlil qilishdi. Mashg‘ulot olib borish jarayonida ahamiyat qaratish kerak bo‘lgan jihatlar, mashg‘ulot uslublari, tiklanish jarayoni haqida batafsil ma’lumotga ega bo‘lishdi.
