«Monako» klubining rossiyalik yarim himoyachisi Aleksandr Golovin Fransiya chempionatining 37-turidagi «Amyen»ga qarshi g‘alabali o‘yindan keyin (2:0) OAVga qisqacha fikr bildirdi.

«Turnir jadvalidagi holat va bu o‘yinning ahamiyatini hamma tushunib turgandi. Shu bois o‘yinda qandaydir bosimni his qildik, ammo unutmaylikki, ahvolning shu darajaga yetishiga biz – o‘zimiz aybdormiz.

Xullas, har qanday holatda ham bu o‘yinni yutishimiz kerak esa va amalda buni uddaladik. Shunday mas’uliyatli o‘yinda muhim gol urganimdan xursandman. Lekin o‘ylashimcha, «Monako»dagi eng yaxshi o‘yinlarim hali oldinda», – dedi Golovin.

Eslatib o‘tish joiz, Golovin «Amyen»ga qarshi o‘yinda bitta gol urib, golga hammualliflik qilgan.