«Монако» клубининг россиялик ярим ҳимоячиси Александр Головин Франция чемпионатининг 37-туридаги «Амьен»га қарши ғалабали ўйиндан кейин (2:0) ОАВга қисқача фикр билдирди.

«Турнир жадвалидаги ҳолат ва бу ўйиннинг аҳамиятини ҳамма тушуниб турганди. Шу боис ўйинда қандайдир босимни ҳис қилдик, аммо унутмайликки, аҳволнинг шу даражага етишига биз – ўзимиз айбдормиз.

Хуллас, ҳар қандай ҳолатда ҳам бу ўйинни ютишимиз керак эса ва амалда буни уддаладик. Шундай масъулиятли ўйинда муҳим гол урганимдан хурсандман. Лекин ўйлашимча, «Монако»даги энг яхши ўйинларим ҳали олдинда», – деди Головин.

Эслатиб ўтиш жоиз, Головин «Амьен»га қарши ўйинда битта гол уриб, голга ҳаммуаллифлик қилган.