Ayni kunlarda serbiyalik mutaxassis, professor Voya Miloslavlevich mamlakatimizning turli hududlarida bolalar futbol murabbiylari uchun turli seminarlar o‘tkazayotgani haqida xabar berib o‘tgandik.
Ana shunday seminarlarning navbatdagisi Navoiy viloyatida bo‘lib o‘tdi. Seminarda Navoiy viloyatida faoliyat yuritayotgan murabbiylar qatnashishdi.
Seminar davomida serbiyalik mutaxassis futbolni rivojlantirishning asosiy tamoyillari va bu borada e’tibor qaratish lozim bo‘lgan asosiy jihatlar haqida so‘z yuritdi.
Shuningdek, futbolchilarni jismoniy va funksional rivojlanishiga qaratilgan dastur, mazkur dastur asosida mashg‘ulotlar o‘tkazishning o‘ziga xos jihatlari bo‘yicha fikr almashildi.
