O‘zbekistonning Osiyo chempionlar ligasi kvotalarini soni kamaygani haqida ma’lumot berib o‘tgan edik. 2021 va 2022 yilgi mavsumlarda bizga "1+1" ko‘rinishida joy ajratiladi (2020 yilda — "1+2").

Navbatdagi 3ta mavsumda bizga ajratilgan o‘rinlar soni tushunarli. Xo‘sh, undan keyin nima bo‘ladi? 2018-2021 yilgi mavsumlar hisob-kitoblar bo‘yicha 2023 va 2024 yilgi mavsumlarda mamlakatlarga beriladigan kvotalar tasdiqladi.

2018 yilgi natijalar ma’lum, 2019 yilda esa O‘zbekiston hamda reytingda asosiy raqiblarimiz — Iroq va Birlashga Arab Amirliklarining natijalari deyarli aniq. Hozircha ikki yillik (2018-2019) hisob-kitoblar bo‘yicha mamlakatimiz jadvalda Iroq va BAAdan oldinda bormoqda.

Iroq klubi ushbu mavsumdagi ishtirokini to‘xtatgan bo‘lsa, BAAning uchta klubidan faqat bittasi nimchorak finalga chiqdi. "Al-Vahda" pley-offda "A" guruhida 2-o‘rinni egallagan jamoa (yo Eronning "Zob Ohan" klubi, yoki Saudiya Arabistonining "An-Nassr" jamoasi) bilan to‘qnash keladi. Agar BAA klubi chorak finalga chiqa olmasa, so‘nggi ikki yillik natijalar bo‘yicha Amirlik O‘zbekistondan o‘tib keta olmaydi.

Klublarimiz navbatdagi 2020 va 2021 yilgi mavsumlarda Iroq va BAA jamoalaridan yaxshiroq natija (yoki bir xil) qayd etishsa, O‘zbekiston 2023 va 2024 yilgi mavsumlar uchun "2+2" ko‘rinishidagi kvotalarni qo‘lga kiritadi.

G‘arb mintaqasida 2018 va 2019 yilgi mavsumlar bo‘yicha dastlabki hisob-kitoblar quyidagicha:

Qatar — 30.083 (3+1)
Eron — 30.017 (3+1)
Saudiya Arabistoni  — 24.100 (2+2)
O‘zbekiston — 18.400 (2+2)
Iroq  — 16.933 (1+2)
BAA — 15.400 (1+1)
Iordaniya  — 13.767 (0+1)
Turkmaniston — 9.983 (0+1)
Livan — 6.933 (0+1)
Hindiston — 6.800 (0+1)
Tojikiston — 6.767 (0+1)
Suriya — 4.333 (0+1)