«Barselona» klubi yevropada futbolchilari uchun qolgan klublardan bir necha bor ko‘proq mablag‘ sarflashi haqida eshitgan bo‘lsangiz kerak. Bugun «Barselona» yulduz futbolchilarining maoshlari haqida qisqacha to‘xtalib o‘tamiz
Mark Andre Ter Stegen
«Barselona» o‘zining uzoq yillik darvozaboni Viktor Valdez klubni tark etgach, germaniyalik yosh posbonni klubga olib keldi va u o‘ziga bildirilgan ishonchni to‘liq oqladi! Mana bir necha yillardan beri o‘zining ajoyib o‘yinlari bilan jamoa g‘alabasiga hissa qo‘shib kelayotgan darvozabon bu mavsumda bir nechta o‘yinlarda muqarrar gollardan «Barselona»ni saqlab qolgani tahsinga sazovor!
Germaniyalik darvozabonning maoshi haftasiga 100 000 yevro bo‘lib, futbolchi yiliga 5 million yevrodan ziyodroq pulni qo‘lga kiritadi!
Samuel Umtiti
Fransuz klub safiga «Lion»dan 25 million yevro evaziga o‘tdi va darrov asosiy himoyachilardan biriga aylanib oldi. Uning tezkorligi va ortiqcha foullardan qochishi evaziga «Barselona»ning asosiy tarkibidan joy berishgan bo‘lsa, ajab emas.
Qahramonimiz hozirda yiliga 4 million 300 ming yevro maosh olmoqda. Bu haftasiga 83 ming yevro degani!
Pike
«Barselona» klubining faxriylaridan sanaladigan Pikening maoshi qolgan himoyachilarnikidan sezilarli darajada balandroq. Himoyachi haftasiga 183 ming yevro maosh olmoqda va bu yiliga 10 million yevroga aylanadi. To‘g‘ri, futbolchining klubda tutgan o‘rni va uning ravnaqiga qo‘shgan xissasini inobatga olsak, bu maosh ham qahramonimiz uchun biroz kamroqdek tuyulib qolishi mumkin
Nelsen Samedo
«Benfika» klubidan Katoloniyaga ko‘chib o‘tgan futbolchining tez orada asosiy tarkibdan muqim joy olishini kutgan muxlislar biroz adashishdi, chamamda. Sababi, Samedu klub falsafasiga to‘liq moslasha olmayapti. Uning haftalik maoshi 83 ming yevro bo‘lib, yiliga 4 yarim milliondan ziyodroq summani tashkil etadi!
Jordi Alba
Ispaniya terma jamoasi va «Barselona» klubi safida deyarli barcha turnirlarda zafar quchgan Alba mana bir necha yillardan beri bir maromda o‘yin ko‘rsatib kelmoqda. Uning qanotdagi ishonchli harakatlariga muxlislar ko‘nikib ham qolishgan desak, adashamagan bo‘lamiz. Hozirda uning haftalik maoshi 111 ming yevroni tashkil etmoqda va bu yiliga 5,8 million yevro ga teng degani!
Ivan Rakitich
Xorvatiyalik futbolchi mana bir necha yillardan beri «Barselona» klubi sharafini munosib himoya qilib kelmoqda. Uning haftalik maoshi 167 ming yevroni tashkil etadi va bu yiliga 8,7 million yevrodan biroz ortiqroq summa degani. Uning iqtidori va imkoniyatlarini inobatga olsak, uning maoshi haqqoniy!
Serhio Roberto
2010-yilda klub bilan professional shartnoma tuzgan akademiya tarbiyalanuvchisi haftasiga 83 ming yevro maosh oladi va bu 4,3 million yevroga teng.
Serhio Buskets
2008 – yilda asosiy tarkib bilan shartnoma imzolagan futbolchi maydondagi katta ko‘lamdagi ishni bajargani sababli, uni ko‘plab murabbiylar o‘z tarkibida ko‘rishni istashadi. «Barselona» klubi uni o‘z safida ushlab qolish maqsadida futbolchining maoshini 200 ming yevroga ko‘tarib qo‘ydi.
Arturo Vidal
Chililik futbolchi 31 yoshda bo‘lsa ham «Barselona» klubi bilan o‘zi uchun o‘ta qulay shartnomaga imzo chekdi. Unga ko‘ra, futbolchi bir yilda 9,5 million yevro maosh oladi va bu haftasiga 183 ming yevro degani.
Usman Dembele
Neymarning o‘rnini egalashi kutilgan futbolchi biroz ishonchni oqlay olmadi desak, adashamagan bo‘lamiz. Uning haftalik maoshi 215 ming yevro bo‘lib, bu bir mavsumda deyarli 11 million yevro degani! Usmanning yoshidagi futbolchilar uchun havas qilsa arzigulik raqamlar!
Koutino
«Barselona» klubi tarixidagi eng qimmat futbolchilardan biri sanaladigan braziliyalik futbolchi hozirda klubdan ketish haqida o‘ylamoqda. Klub ham uni sotib yuborishdan manfaatdor. Sababi, «Katoliniya» klubi futboolchi uchun yiliga 11,5 million yevro to‘lashiga to‘gri kelmoqda. Bu haftasiga 222 ming yevro degani! Afsuski, Koutino o‘zidan kutilgan o‘yini namoyish eta olmadi.
Luis Suarez
«Liverpul»dan «Barselona»ga o‘tganida futbolchining bu qadar tez ko‘nikib ketishini hech kim kutmagan bo‘lsa, ajab emas. Gap shundaki, Luis ilk mavsumning o‘zidaypoq «Barselona» uchun trebl qayt etishda katta yordam berdi, keyingi mavsumda «La liga»dagi eng yaxshi o‘yinchi bo‘ldi. Uning yillik maoshi 17 million yevroni tashkil etadi. Bu haftasiga 325 ming yevro degani.
Lionel Messi
«Barselona» tarixidagi eng kuchli futbolchi sifatida tarixda abadiy qoladigan futbolchining hozirda yillik maoshi deyarli 40 million atrofida. Bundan tashqari, Uning bir nechta brendlar bilan tuzgan shartnomalari mavjud bo‘lib futbo‘lchi «Barselona» Messiga abadiy shartnoma ham taklif qilishi mumkinligi mish-mishlar tobora ko‘payib bormoqda. Ko‘hna qit’adagi eng katta maosh oluvchi futbolchi sanaladigan Messi hozirda o‘z klubida baxtli va hech qayerga ketish to‘g‘risida o‘ylamayapti.
Futbo‘lchilarning maoshi davlat soliqlari yevaziga sezilarli tarzda kichrayib qoladi. Bu ro‘yxatda maoshlar asl ko‘rinishida keltirilgan.
