Hozirda «Liverpul» klubi yulduzi Muhammad Salahning klubdan ketishi to‘g‘risida mish-mishlar tobora ko‘payib bormoqda. Aynan shu mavzuda ingliz hamkasblarimiz Salahning jamoadoshlarining fikrlari bilan qiziqshdi. Biz esa, bu intervyularni sizlarga ilindik.
Jordan Henderson
Bizning safimizga kelgan chog‘idayoq uning super yulduz ekanligini darrov sezganmiz. U chaqqon va qarshi xujumda tezkor futbolchi. Muhammadning jamoamizga keltirayotgan foydasini inobatga olsak, u Messi va Ronaldu darajasidagi futbolchi deb bemalol ayta olaman. O‘ylashimcha, buyuk futbolchiga aylanish uchun «Real Madrid», yoki «Barselona» singari klublarda to‘p surish shart emas. «Liverpul» katta tarixga ega klub va YCHLda g‘olib bo‘lish imkoniyatiga ega. Agarda biz finalda g‘alaba qozonadigan bo‘lsak, uning ketishiga xojat qolmaydi, deb hisoblayman. Sababi, biz Yevropadagi eng qudratli klubga aylanamiz!
Sadio Mane
Men Mo bilan qadrdon do‘st eknaligimdan va uning darajasidagi futbolchi bilan jamoadosh ekanligimdan faxrlanaman. U insoniylik borasida ko‘plab futbolchilar uchun namuna bo‘la oladi. Hozirda uning kariyerasi o‘zining pik balandligiga ko‘tarilib kelmoqda. Shunday bo‘lsada, agarda u ketishni istaganida menga bu haqida, albatta, aytgan bo‘lar edi. Umid qilamanki, biz Muhammadni o‘z safimizda olib qolamiz.
Virdjil Van Deyk
Agarda Muhammad o‘z formasini tiklab olsa, uni to‘xtatishning deyarli iloji qolmaydi. Balki iloji bordir, biroq uni sizlarga aytmayman. Bu bizga finalda pand berishi mumkin. Uning ketishi haqida? Albatta, xabarim bor. Hozirda u kariyerasining eng baland cho‘qqisida turibdi. Tabiiyki, top klublar uni o‘z safida ko‘rishni istashlarini tushunsa bo‘ladi. Shunday bo‘lsada, unutmaslik kerak-ki, bizni final kutmoqda. Agarda biz Yevropaning tengsiz klubiga aylanadigan bo‘lsak, Salahning klubdan ketishidan hech qanday mantiq yo‘q deb hisoblayman.
Yurgen Klopp
Uning o‘yini bizni to‘liq qoniqtirmoqda. O‘ylashimcha, bizning uslubimiz ham uni o‘sishi uchun katta hizmat ko‘rsatmoqda. Men shu jamoaning ustozman. Agarda u ketishni istaganida men, albatta, bundan xabrador bo‘lar edim. Shunday ekan, boshqa bu mavzuda suhbatlashishni istamayman!
Jeyms Milner
U ajoyib mavsumni o‘tkazdi. U maydon ichida ham tashqarisida ham yaxshi yigit. Salah darajasidagi futbolchining safimizda ekanligi bizning omadimiz, desam adashamagan bo‘laman. Umid qilamizki, u yanada kuchliroq futbol namoyish eta oladi. Uning ko‘p gol urishi hammani quvontirishi turgan gap, biroq jamoadoshlarining ham hizmatlarini unutmaslik zarur! Futbolchi o‘sishdan to‘xtab qolmasligi zarur! Fikrimcha, «Liverpul» Salahning o‘sishi va yanada kuchli futbolchiga aylanishi uchun qo‘lidan kelgan hamma yordamni beradi va Salah final uchrashuvida biz uchun eng foydali o‘yinchiga aylana oladi!
