Ҳозирда «Ливерпул» клуби юлдузи Муҳаммад Салаҳнинг клубдан кетиши тўғрисида миш-мишлар тобора кўпайиб бормоқда. Айнан шу мавзуда инглиз ҳамкасбларимиз Салаҳнинг жамоадошларининг фикрлари билан қизиқшди. Биз эса, бу интервьюларни сизларга илиндик.
Жордан Ҳендерсон
Бизнинг сафимизга келган чоғидаёқ унинг супер юлдуз эканлигини дарров сезганмиз. У чаққон ва қарши хужумда тезкор футболчи. Муҳаммаднинг жамоамизга келтираётган фойдасини инобатга олсак, у Месси ва Роналду даражасидаги футболчи деб бемалол айта оламан. Ўйлашимча, буюк футболчига айланиш учун «Реал Мадрид», ёки «Барселона» сингари клубларда тўп суриш шарт эмас. «Ливерпул» катта тарихга эга клуб ва ЙЧЛда ғолиб бўлиш имкониятига эга. Агарда биз финалда ғалаба қозонадиган бўлсак, унинг кетишига хожат қолмайди, деб ҳисоблайман. Сабаби, биз Европадаги энг қудратли клубга айланамиз!
Садио Мане
Мен Мо билан қадрдон дўст экналигимдан ва унинг даражасидаги футболчи билан жамоадош эканлигимдан фахрланаман. У инсонийлик борасида кўплаб футболчилар учун намуна бўла олади. Ҳозирда унинг кариераси ўзининг пик баландлигига кўтарилиб келмоқда. Шундай бўлсада, агарда у кетишни истаганида менга бу ҳақида, албатта, айтган бўлар эди. Умид қиламанки, биз Муҳаммадни ўз сафимизда олиб қоламиз.
Вирджил Ван Дейк
Агарда Муҳаммад ўз формасини тиклаб олса, уни тўхтатишнинг деярли иложи қолмайди. Балки иложи бордир, бироқ уни сизларга айтмайман. Бу бизга финалда панд бериши мумкин. Унинг кетиши ҳақида? Албатта, хабарим бор. Ҳозирда у кариерасининг энг баланд чўққисида турибди. Табиийки, топ клублар уни ўз сафида кўришни исташларини тушунса бўлади. Шундай бўлсада, унутмаслик керак-ки, бизни финал кутмоқда. Агарда биз Европанинг тенгсиз клубига айланадиган бўлсак, Салаҳнинг клубдан кетишидан ҳеч қандай мантиқ йўқ деб ҳисоблайман.
Юрген Клопп
Унинг ўйини бизни тўлиқ қониқтирмоқда. Ўйлашимча, бизнинг услубимиз ҳам уни ўсиши учун катта ҳизмат кўрсатмоқда. Мен шу жамоанинг устозман. Агарда у кетишни истаганида мен, албатта, бундан хабрадор бўлар эдим. Шундай экан, бошқа бу мавзуда суҳбатлашишни истамайман!
Жеймс Милнер
У ажойиб мавсумни ўтказди. У майдон ичида ҳам ташқарисида ҳам яхши йигит. Салаҳ даражасидаги футболчининг сафимизда эканлиги бизнинг омадимиз, десам адашамаган бўламан. Умид қиламизки, у янада кучлироқ футбол намойиш эта олади. Унинг кўп гол уриши ҳаммани қувонтириши турган гап, бироқ жамоадошларининг ҳам ҳизматларини унутмаслик зарур! Футболчи ўсишдан тўхтаб қолмаслиги зарур! Фикримча, «Ливерпул» Салаҳнинг ўсиши ва янада кучли футболчига айланиши учун қўлидан келган ҳамма ёрдамни беради ва Салаҳ финал учрашувида биз учун энг фойдали ўйинчига айлана олади!
