“Nasaf” – “Lokomotiv” uchrashuvidan so‘ng mezbonlar ustozi Ro‘ziqul Berdiyev quyidagicha fikr bildirib o‘tdi: 

- Bugungi bahsda tajriba g‘alaba qozondi. Bugungi raqibimiz tajribaga ega, juda jiddiy jamoa edi. Shunga qaramay yigitlarimiz oxirigacha ijobiy natija uchun kurash olib borishdi. O‘yin so‘nggiga qadar bir qator xavfli vaziyatlarni ham vujudga keltira oldik. Agar ulardan unumli foydalanganimizda natija umuman boshqacha bo‘lishi ham mumkin edi. Bugun yigitlarimiz yosh bo‘lishiga qaramay katta tajribaga ega futbolchilardan iborat kuchli jamoaga qarshi tengma-teng kurash olib borishdi. Shu sababdan o‘yindan so‘ng shogirdlarimga harakatlari uchun minnatdorchilik bildirdim. Qolaversa, bizni jamoamizni qiyin vaziyatda bo‘lsak-da, ishonib qo‘llab-quvvatlayotgan muxlislarimizga ham rahmat, - dedi mutaxassis.