Bugungi kunda huquqni muhofaza qiluvchi organlarda xizmat qilayotgan xodimlarning jangovar tayyorgarligiga alohida e’tibor qaratilib, ularning jismoniy chiniqishlari uchun barcha sharoitlar yaratilgan. Ayniqsa, sportning turli yo‘nalishlari bo‘yicha o‘tkazilayotgan musobaqalar ham shular jumlasidandir.
O‘zbekiston Respublikasi Milliy Gvardiyasi “Dinamo” jismoniy tarbiya sport jamiyati Kengashi tomonidan huquqni muhofaza qiluvchi organlar o‘rtasida 28-Spartakiada dasturiga kiritilgan futbol musobaqasi jamiyatning Toshkent viloyati stadionida bo‘lib o‘tdi. Unda 13 jamoa ishtirok etdi. O‘yinlar 3 ta guruhda o‘tkazilib, saralash bosqichlari, yarim final va finaldan iborat bo‘ldi.
Qizg‘in o‘tkazilgan musobaqa finalida O‘zbekiston Respublikasi IIV markaziy apparati va O‘zbekiston Respublikasi Davlat Prezidenti xavfsizligi xizmati terma jamoalari bellashdilar. Hisob 4:0 bilan yakunlanib, O‘zbekiston Respublikasi IIV markaziy apparati terma jamoasi foydasiga hal bo‘ldi va 1-o‘rinni egalladi.
O‘zbekiston Respublikasi Davlat Prezidenti xavfsizligi xizmati terma jamoasiga esa 2-o‘rin nasib etdi. 3-o‘ringa o‘tkazilgan o‘yinda, Toshkent shahar IIBB terma jamoasi Toshkent viloyati IIB terma jamoasini 2:0 hisobida mag‘lubiyatga uchratib, Toshkent shahar IIBB terma jamoasi 3-o‘rinna qo‘lga kiritdi.
