O‘zbekiston milliy terma jamoasi 28 may – 12 iyun kunlari navbatdagi yig‘in o‘tkazishi haqida avvalroq xabar berib o‘tgan edik.

Mazkur yig‘in doirasida O‘zbekiston terma jamoa a’zolari uchta o‘rtoqlik o‘yini o‘tkazishi ko‘zda tutilgan. Dastlab 2 iyun kuni safarda Turkiya bilan bahs olib borilsa, keyinroq 7 va 11 iyun kunlari Toshkentda KXDR va Suriya bilan kuch sinashadi.

O‘zbekiston milliy terma jamoasi bugundan Toshkentda yig‘inni boshladi. Hozircha MTJ asosan milliy chempionatimizda to‘p surayotgan futbolchilar bilan mashg‘ulot o‘tkazmoqda. Legionerlar birin-ketin yig‘inga kelib qo‘shilishi ko‘zda tutilgan.

Bosh murabbiyi Ektor Kuper mazkur o‘yinlarga jalb qilingan futbolchilardan legioner sifatida faoliyat olib borayotgan Doston Tursunov hamda Ikrom Aliboyev Turkiyaga qarshi o‘yinda ishtirok eta olmaydi.

Futbolchilar o‘z klublari tarkibida milliy chempionat o‘yinlarni o‘tkazib, 3 iyun kuni O‘zbekistonga yetib kelishadi. Keyin terma jamoa bilan birgalikda KXDR va Suriyaga qarshi o‘yinlarga tayyorgarlik ko‘radi.