Agar O‘zbekiston Superligasiga bee’tibor bo‘lmasangiz navbatdagi suhbatdoshimizni aniq taniysiz. Joriy mavsum Qarshining “Nasaf” jamoasi tarkibi ancha yosharishiga qaramay ajoyib o‘yin ko‘rsatmoqda. Ayni damda Qarshiliklarning to‘purari bo‘lib turgan Xumoyun Murtazoyev bilan suhbatlashishga erishdik.
- Xumoyun futbolga kirib kelishingiz va birinchi murabbiyingiz haqida gapirib bersangiz.

- Birinchi ustozim Ikrom aka Sidiqov bo‘lgan. Futbolning sir asrorlarini u kishidan o‘rganganman.

- Xumoyun bu mavsumda “Nasaf” jamoasi ancha yosharib ketgandek ko‘rinmolqda, ammo natijalar chakki emas.Sizningcha faqat yoshlardan iborat jamoaning qolgan klublardan ustun tomoni nimada?

- To‘g‘ri jamoa bu yil ancha yoshargan. Ammo jamoa yosh bo‘lishiga qaramay futbolchilar ahil va bir oiladek. Shuningdek murabbiy faktori ham katta ro‘l o‘ynamoqda.

- Ro‘ziqul Berdiyevning futbolchilarga munosabati qanday? Qattiqo‘lmi yoki xushchaqchaq?

- Ikkisi ham bazida qattiqo‘l, bazida xushchaqchaq.

- Agar yozgi transferlar vaqtida boshqa jamoalardan takliflar tushsa, jamoangizni o‘zgartirasizmi?

- Hozir bor e’tiborim “Nasaf” jamoasiga qaratilgan. Oldindan bir nima deya olmayman, barchasini vaqt ko‘rsatadi.

- Superligada joriy mavsum qaysi futbolchining o‘yinlarini alohida ko‘rsata olasiz?

- To‘g‘risi biror kishini alohida ko‘rsata olmayman. Hamma yaxshi o‘ynamoqda.

- “Nasaf”ni mavsum oldidan xar doim ko‘plab yetakchilar tark etadi. Ammo jamoa yangi nomlarni kashf qilib o‘z darajasini saqlab qolyapti. Buning siri nimada deb o‘ylaysiz?

- Menimcha, buning siri Ro‘ziqul Berdiyevda.

- YEL hamda YECHL finalida kimning qo‘li baland keladi deb o‘ylaysiz?

- Futbolda hamma narsa bo‘lishi mumkin. O‘ylachimcha, "Liverpul" va "Arsenal" klublari chempionlikni qo‘lga kiritadi.

- Kumiringiz va yoqtirgan jamoangiz qaysi?

- Braziliyalik Ronaldoga yoshligimdan muxlislik qilaman va “Real Madrid” klubi muxlisiman.

- Milliy terma jamoadan chaqiruv kutganmidingiz?

- Ha, albatta. Har bir futbolchining orzusi milliy terma jamoada o‘ynash.

- Har qanday futbolchining faoliyatida og‘ir damlar uchrab turadi. Sizda ham og‘ir damlar bo‘lganmi?

- Ha, og‘ir damlar nafaqat futbolchida balki barcha insonlarda bo‘ladi. Shular qatori menda ham bo‘lgan.

- Faoliyatingiz davomidagi eng quvonchli voqiyani aytib bersangiz.

- Superligada debyut qilganim.

Jaloliddin Qobiljonov suxbatlashdi