Агар Ўзбекистон Суперлигасига беэътибор бўлмасангиз навбатдаги суҳбатдошимизни аниқ танийсиз. Жорий мавсум Қаршининг “Насаф” жамоаси таркиби анча ёшаришига қарамай ажойиб ўйин кўрсатмоқда. Айни дамда Қаршиликларнинг тўпурари бўлиб турган Хумоюн Муртазоев билан суҳбатлашишга эришдик.
- Хумоюн футболга кириб келишингиз ва биринчи мураббийингиз ҳақида гапириб берсангиз.
- Биринчи устозим Икром ака Сидиқов бўлган. Футболнинг сир асрорларини у кишидан ўрганганман.
- Хумоюн бу мавсумда “Насаф” жамоаси анча ёшариб кетгандек кўринмолқда, аммо натижалар чакки эмас.Сизнингча фақат ёшлардан иборат жамоанинг қолган клублардан устун томони нимада?
- Тўғри жамоа бу йил анча ёшарган. Аммо жамоа ёш бўлишига қарамай футболчилар аҳил ва бир оиладек. Шунингдек мураббий фактори ҳам катта рўл ўйнамоқда.
- Рўзиқул Бердиевнинг футболчиларга муносабати қандай? Қаттиқўлми ёки хушчақчақ?
- Иккиси ҳам базида қаттиқўл, базида хушчақчақ.
- Агар ёзги трансферлар вақтида бошқа жамоалардан таклифлар тушса, жамоангизни ўзгартирасизми?
- Ҳозир бор эътиборим “Насаф” жамоасига қаратилган. Олдиндан бир нима дея олмайман, барчасини вақт кўрсатади.
- Суперлигада жорий мавсум қайси футболчининг ўйинларини алоҳида кўрсата оласиз?
- Тўғриси бирор кишини алоҳида кўрсата олмайман. Ҳамма яхши ўйнамоқда.
- “Насаф”ни мавсум олдидан хар доим кўплаб етакчилар тарк этади. Аммо жамоа янги номларни кашф қилиб ўз даражасини сақлаб қоляпти. Бунинг сири нимада деб ўйлайсиз?
- Менимча, бунинг сири Рўзиқул Бердиевда.
- ЕЛ ҳамда ЕЧЛ финалида кимнинг қўли баланд келади деб ўйлайсиз?
- Футболда ҳамма нарса бўлиши мумкин. Ўйлачимча, "Ливерпул" ва "Арсенал" клублари чемпионликни қўлга киритади.
- Кумирингиз ва ёқтирган жамоангиз қайси?
- Бразилиялик Роналдога ёшлигимдан мухлислик қиламан ва “Реал Мадрид” клуби мухлисиман.
- Миллий терма жамоадан чақирув кутганмидингиз?
- Ҳа, албатта. Ҳар бир футболчининг орзуси миллий терма жамоада ўйнаш.
- Ҳар қандай футболчининг фаолиятида оғир дамлар учраб туради. Сизда ҳам оғир дамлар бўлганми?
- Ҳа, оғир дамлар нафақат футболчида балки барча инсонларда бўлади. Шулар қатори менда ҳам бўлган.
- Фаолиятингиз давомидаги энг қувончли воқияни айтиб берсангиз.
- Суперлигада дебют қилганим.
Жалолиддин Қобилжонов сухбатлашди
