«Barselona» sardori Lionel Messi «Real»ning Krishtianu Ronalduni «Yuventus»ga sotish haqidagi qaroriga o‘z munosabatini bildirdi.

«Mavsum boshidayoq men o‘z fikrimni aytgandim. Mening so‘zlarim "Madrid"ni g‘azablantirdi. Lekin bu haqiqat. Bir mavsumda 50ta gol uradigan futbolchini qanday qilib qo‘yib yuborish mumkin? Natijada «Real» inqirozga tushib qoldi. Krishtianu tark etadigan bo‘lsa, har qanday jamoa shunday ahvolga tushib qoladi.

Albatta, La liga Ronalduni qo‘msaydi. Boisi, top-futbolchilar musobaqani raqobatbardosh qiladi. U bu yerda o‘ynaganida biz ikkimiz har yili yanada yaxshiroq o‘ynashga harakat qilar edik. Ajoyib paytlar edi. Hozir esa mening ishlarim joyida», – dedi argentinalik futbolchi.

31 yoshli Messi 2018/19 yilgi mavsumda 50ta o‘yinda maydonga tushib, 51ta gol urdi va 22ta golga assistentlik qildi.

34 yoshli Ronaldu esa yakunlangan mavsumda «Yuventus» tarkibida 43ta o‘yinda maydonga tushib, 28ta gol urdi va 13ta golga uzatma berdi.