Liga kubogi guruh bosqich 1-turi doirasidagi “Mash’al” – “Andijon” uchrashuvidan so‘ng mehmonlar jamoasi murabbiyi Jamshid Saidov quyidagicha fikr bildirib o‘tdi:
- Bugun asosiy tarkibdagi qator futbolchilarga dam olish imkonini taqdim etdik. Natijada bir necha yosh o‘yinchilar maydonga tushishdi. Uchrashuv oson o‘tmasligini va raqibning kuchli jihatlari mavjudligini bilar edik. Zero “Mash’al” jamoasida ishtiyoq ham yuqori edi. Lekin yakunda o‘yin bizning foydamizga hal bo‘ldi. Bundan juda ham xursandmiz va endi uyga yaxshi kayfiyatda yo‘l olamiz. Oldimizga qo‘yilgan vazifa uddalandi,bugungi o‘yinda g‘alaba qozona oldik, - dedi mutaxassis.
