Лига кубоги гуруҳ босқич 1-тури доирасидаги “Машъал” – “Андижон” учрашувидан сўнг меҳмонлар жамоаси мураббийи Жамшид Саидов қуйидагича фикр билдириб ўтди:
- Бугун асосий таркибдаги қатор футболчиларга дам олиш имконини тақдим этдик. Натижада бир неча ёш ўйинчилар майдонга тушишди. Учрашув осон ўтмаслигини ва рақибнинг кучли жиҳатлари мавжудлигини билар эдик. Зеро “Машъал” жамоасида иштиёқ ҳам юқори эди. Лекин якунда ўйин бизнинг фойдамизга ҳал бўлди. Бундан жуда ҳам хурсандмиз ва энди уйга яхши кайфиятда йўл оламиз. Олдимизга қўйилган вазифа уддаланди,бугунги ўйинда ғалаба қозона олдик, - деди мутахассис.
