Rossiyaning Moskva shahrida 16 mamlakatdan 100 dan ziyod sportchilarni o‘zida jamlagan “Xalqaro Olimpiyachilar forumi” bo‘lib o‘tdi. Mazkur tadbirni tashkil qilishdan ko‘zlangan asosiy maqsad yosh atletlarni sportdagi yangi tendensiyalarni tanishtirishdan iboratdir.
Ushbu xalqaro forumda O‘zbekistondan tashrif buyurgan delegasiya ham qatnashdi. Delegasiyamizdan 4 nafar sportchi: Valeriya Kovaleva (tog‘ chang‘isi), Medet Nazarov (tog‘ chang‘isi), Darya Svobodina (figurali uchish) va Azizmurod Shabazov (figurali uchish) o‘rin egallagan. Forumda asosan 14-17 yoshli qishki sport turlari bilan shug‘ullanuvchi sportchilar ishtirok etishgan bo‘lib, ularni kelasi yili Shveysariyaning Lozanna shahrida o‘tkaziladigan o‘smirlar o‘rtasidagi qishki Olimpiya o‘yinlariga ruhiy va psixologik jihatdan tayyorlashga asosiy e’tibor qaratilddi.
Forum davomida WADA, Xalqaro Olimpiya qo‘mitasidan tashrif buyurgan mutaxassislar yosh atletlarga sportda sog‘lom raqobat bo‘lishi kerakligi, yuqori natija uchun taqiqlangan preparatlardan saqlanish va farmokologik vositalardan to‘g‘ri foydalanish kabi masalalar yuzasidan seminarlar o‘tkazishdi.
Tadbir yakuniga yetgach barcha delegasiya a’zolari uchun Moskva shahri bo‘ylab ekskursiya tashkil qilindi.
