Superligada yuzaga kelgan qisqa tanaffusdan unumli foydalangan "Andijon" jamoasi murabbiylari Liga Kubogi doirasida Muborakning "Mash’al" jamoasiga qarshi safarda o‘tkazilgan uchrashuvdan so‘ng, jamoa futbolchilariga qisqa muddatli dam olish kuni berishgan edi.
Iyd Ramazon Hayiti bayramini o‘z oilasi bag‘rida o‘tkazgan futbolchilarimiz bugun jamoaning Andijon shahridagi sport-qarorgohiga yig‘ilishadi va 12-tur doirasida bo‘lib o‘tadigan Bekobodning "Metallurg" jamoasiga qarshi tayyorgarlikni boshlashadi.
Eslatib o‘tamiz, kuni kecha bosh murabbiy sifatida rasman tanishtirilgan Aleksandr Andreevich Xomyakov bugundan e’tiboran futbolchiga mashg‘ulot o‘tkazishni boshlaydi va "Metallurg" jamoasiga qarshi maydonga olib tushadi.
"Andijon" matbuot xizmati