"Atletiko" hujumchisi Antuan Grizmann faoliyatini qaysi jamoada davom ettirishini bilishini aytib o‘tdi. Bu haqda Le10sport.com xabar tarqatdi.
"Qaysi jamoada o‘ynashimni bilaman", — dedi Grizmann.
E’tiborli tomoni, bundan 2 kun avval fransiyalik futbolchi qaysi jamoaga o‘tishini bilmasligini aytib o‘tgandi. Grizmanni qo‘lga kiritish uchun "Barselona" klubi asosiy da’vogar bo‘lib turibdi.
Hozirgi paytda 28 yoshli futbolchining tovon puli 200 million yevroga teng bo‘lsa, bu summa 1 iyuldan boshlab 120 million yevroga tushadi.
Antuan Grizmann yakunlangan mavsumda "Atletiko" safida barcha musobaqalar doirasida 47ta o‘yinda maydonga tushib, 21ta gol urdi va 10ta golga uzatma berdi.