Portugaliya terma jamoasi sardori Krishtianu Ronaldu yaqin oradan terma jamoadagi faoliyatini yakunlamasligini ma’lum qildi.

«Vaqti kelib terma jamoa ixtiyoriga kelishni to‘xtataman. Bungacha esa hali ko‘p-ko‘p yillar bor. O‘ylashimcha, terma jamoa foydam hali tegadi. O‘zimda motivasiyani his qilyapman va terma jamoada o‘ynashni yaxshi ko‘raman», — dedi Ronaldu.

34 yoshli Ronaldu 2003 yildan beri Portugaliya terma jamoasi sharafini himoya qilmoqda. Terma jamoa safida o‘tkazilgan o‘yinlar soni (158) bo‘yicha Ronaldu Yevropa futbochlilari orasida 5-o‘ringa ko‘tarilib oldi. Janluidji Buffon (Italiya, 176 o‘yin), Iker Kasilyas (Ispaniya, 167), Vitaliy Astafyev (Latviya, 167), Serxio Ramos (Ispaniya, 164) Krishtianuga nisbatan ko‘proq o‘yin o‘tkazgan.