Португалия терма жамоаси сардори Криштиану Роналду яқин орадан терма жамоадаги фаолиятини якунламаслигини маълум қилди.
«Вақти келиб терма жамоа ихтиёрига келишни тўхтатаман. Бунгача эса ҳали кўп-кўп йиллар бор. Ўйлашимча, терма жамоа фойдам ҳали тегади. Ўзимда мотивацияни ҳис қиляпман ва терма жамоада ўйнашни яхши кўраман», — деди Роналду.
34 ёшли Роналду 2003 йилдан бери Португалия терма жамоаси шарафини ҳимоя қилмоқда. Терма жамоа сафида ўтказилган ўйинлар сони (158) бўйича Роналду Европа футбочлилари орасида 5-ўринга кўтарилиб олди. Жанлуиджи Буффон (Италия, 176 ўйин), Икер Касильяс (Испания, 167), Виталий Астафьев (Латвия, 167), Серхио Рамос (Испания, 164) Криштиануга нисбатан кўпроқ ўйин ўтказган.