Xalqaro yengil atletika federasiyalari assosiasiyasi o‘z nomi va logotipini o‘zgartirishga qaror qildi. Bu haqida tashkilot matbuot-xizmati xabar bermoqda.
Tashkilot endilikda “World Athletics” deb yuritiladi. Uning yangi logosi ham shunga monan ishlangan.
Logotipdagi “W” harfi dunyo so‘zini ifodalaydi. Qolaversa, unda yashirin tasvir ham bo‘lib, ushbu harf g‘alabani nishonlayotgan atletni, “A” harfi esa yengil atletika va yugurishga tayyorlanayotgan sportchini ifodalanmoqda.
Avvalgi logotip 100 yildan ortiq vaqt davomida amalda bo‘ldi. Yangi brend joriy yilning oktyabr oyida Doxadagi JCHdan avval tashkil etiladigan Kongressda tasdiqlanishi kutilmoqda.
