O‘zbekiston futbol assosiasiyasi tomonidan istiqbolli va iqtidorli futbolchilarni turli yosh toifadagi milliy terma jamoalar hamda professional futbol klublari uchun tayyorlab borish maqsadida bir qator chora-tadbirlar amalga oshirilmoqda.

 Jumladan, O‘zbekiston futbol assosiasiyasi huzuridagi Qoraqalpog‘iston Respublikasi, viloyatlar va Toshkent shahar bolalar-o‘smirlar futbol akademiyalarining U-14, U-15, U-16, U-17 yoshdagi tarbiyalanuvchilari o‘rtasida O‘zbekiston Chempionati tashkil etilgan bo‘lib, bugun 15 iyun kuni ana shu musobaqaning 10-tur o‘yinlariga start berildi.

 "A" guruhidagi 10-tur uchrashuvlarida Navoiy akademiyasi Xorazm akademiyasiga qarshi, Buxoro viloyati akademiyasi Surxondaryo jamoasiga qarshi, Samarqand viloyati esa Qoraqalpog‘istor Respublikasi akademiyasiga qarshi maydonga tushadi. "A" guruhida 7-turda Qashqadaryo akademiyasi futbolchilari dam oladi.   

 "B" guruhida 10-turda Andijon viloyati akademiyasi Namangan viloyati akademiyasiga qarshi, Toshkent viloyati Sirdaryo viloyat akademiyasiga qarshi, Toshkent shahri akademiyasi Jizzax akademiyasiga qarshi bahs olib boradi. Bu guruhda 10-turda Farg‘ona viloyati akademiyasi futbolchilari dam oladi.

O‘tkazilgan o‘yinlar natijalari 10-tur yakunlanganidan keyin saytimiz orqali e’lon qilinadi.