Hozirda ko‘hna qit’aning kuchli klublari o‘z safiga kuchli futbolchilarni qo‘shib olish uchun kurash olib bormoqda. Bugun transfer oynasidagi eng so‘nggi yangiliklar bilan o‘rtoqlashamiz.
Barselona Suarezni sotib yubormoqchi
«Katoloniya super klubi Denis Suarezni sotuvga qo‘ydi», - deb xabar tarqatmoqda «Mundo Deportivo» nashri. Unda aytilishicha «Barselona» yangi futbolchilarni qo‘lga kiritish maqsadida futbolchini arzonroq narxda qo‘yib yuborishga ham tayyor.
Suarezga hozirda bir nechta klublar qiziqib qolgan bo‘lsada, asosiy da’vogar «Valensiya» klubi bo‘lib turibdi.
«Atalanta»ga Malinovskiy kerak!
«Atalanta» klubi ukrainalik futbolchiga jiddiy qizib qoldi. Klub bundan avval futbolchi uchun «Genk» klubiga 12 million taklif etgan edi. Belgiya klubi esa bu transferni rad etgan va futbolchini 20 milliondan kamiga qo‘yib yubormasligini e’lon qilgan edi. O‘tgan mavsumda Italiyada shov-shuv ko‘targan jamoa himoychini harid qilish fikridan qaytmadi va «Genk» klubiga 17 million yevro taklif qildi. Hozirda tomonlar transferning kichik bandlari borasida muzokaralar o‘tkazmoqda.
Ukrainalik himoyachi Belgiya klubi safiga 2016-yilda o‘tgan edi. Yakunlangan mavsumda Ruslan Malinovskiy 50 ta uchrashuvda maydonga tushdi va 16 bor raqiblari darvozasini ishg‘ol qildi. Bundan tashqari uning hisobida 12 ta golli uzatma ham mavjud.
Hummels ortga qaytadi
Germaniya terma jamoasi safida mundialda g‘olib chiqqan Mats Hummels «Bavariya» safini tark etadigan ko‘rinadi. 30 yoshni qarshilagan himoyachini «Barussiya Dortmund» klubi o‘z safiga qo‘shib olmoqchi. Mats Hummels 2008-2016- yillar oralig‘ida «Barussiya Dortmund» safida to‘p surgan va bir necha bor Bundesligada g‘olib chiqishga muvaffaq bo‘lgan.
Futbolchi «Myunhen» klubi tarbiyalanuvchisi bo‘lsada, uni muxlislar «sariq-qoralar» safidagi o‘yinlari evaziga hurmat qilishadi. Tomonlar futbolchining transferi borasida to‘liq kelishuvga erishdi. Unga ko‘ra «Bavariya» himoyachi uchun 20 million yevro oladi va turli bonuslar bilan bu ko‘rsatgich 30 millionga qadar ko‘tarilishi mumkin.
Eng qizig‘I shundaki, futbolchining o‘zi Niko Kovachdan uni qo‘yib yuborishini iltimos qilgan va xorvatiyalik murabbiy bunga qarshilik qilmagan.
«Manchester Yunayted»ga yangi Memfis kerak
«Qizil iblislar» Gollandiyaning «PSV» klubi yarim himoyachisi, Denzel Dumfris bilan jiddiy qiziqib qoldi. 23 yoshlik futbolchining transfer qiymati tahminan 25 million atrofida baholanmoqda.
Shu kunlarda Ingiliz klubi «PSV»ga rasmiy taklif bilan chiqishi kutilmoqda.
Ma’lumot o‘rnida shuni aytish lozimki, «PSV» futbolchini bir mavsum ilgari anchagina kichik summaga harid qilgan edi.
London klublari Albaniyalik darvozabon uchun kurashga kirishdi
Rimning «Lasio» klubi darvozaboni Tomas Strakosha «Arsenal» va «Vest Hem» klublarining e’tibor markazida turibdi. Albaniyalik darvozabon o‘tgan mavsumdagi o‘yinlari bilan ko‘plab grand klublarning oromini o‘g‘irlagan edi. Londonning ikki klubi darvozabonni qo‘lga kiritish uchun «Lasio»ning hamma takliflarini ko‘rib chiqishga tayyor, biroq bu transfer amalga oshmay qolishi mumkin. Gap shundaki, «Lasio» o‘z darvozabonini qo‘yib yuborishni istamayapti. Jamoa bundan avval ham darvozabonini qo‘lga kiritishni istagan klublarga rad javobini berib kelayotgan edi.
Shunday bo‘lsada, «Arsenal» muzokaralarda faol ishtirok etishga majbur. Bu mavsumda o‘z faoliyatini yakunlagan Piter Chexning o‘rniga munosib nomzod topishlari shart!