Ushbu rukndagi eng yangi va eng qiziqarli ma’lumotlarni sizlar bilan baham ko‘rishda davom etamiz.

«Manchester Yunayted» himoyachi sotib oladi

«Qizil iblislar» «Kristal Pelas» klubining 21 yoshlik himoyachisi Aaron Van-Bissaka uchun 50 million funt sterling taklif etganidan xabaringiz bor. «Billur Mehmonhona» rahbarlari bu taklifni rad etishgan edi. Bugun «Manchester Yunayted» rasman 60 million funt sterling taklif qildi. Hozircha «Kristal Pelas» jamoasi rahbarlari va «Manchester Yunayted» bosslari o‘rtasida muzokarlar ketmoqda. «The Sun» nashrining xabar berishicha, bu transfer 99 foiz hal bo‘lib ulgurgan.

«PSJ» Neymarning narxini e’lon qildi

Parij super klubi o‘z yulduzini jamoada olib qolishning ilojini topa olmagach, undan mo‘maygina pul ishlab olish payiga tushib qoldi. «Mundo Deportivo» nashrining xabar berishicha, «PSJ» Neymarning narxini 300 million yevro qilib belgilab qo‘ydi! Bunday transferni amalga oshira oladigan klublar deyarli yo‘qligi sababli  Neymar bu mavsumda ham o‘z klubida qoladigan ko‘rinadi.
Yuqorida nomi keltirilgan maanbaning xabar berishicha, «Barselona» Neymar uchun 100 million yevro va Rakitich, Umtiti, Usman Dembele singari futbolchilarni qo‘shib berishga tayyor. «Barselona»dan tashqari «Real Madrid» xam Neymar uchun o‘z futbolchilarini «PSJ»ga taklif qilishga tayyor. Voqealar rivoji qizigandan qizimoqda!

De Laurentis Hames haqida to‘xtalib o‘tdi

Kuni kecha «Napoli» klubi direktori De Laurentis «Kis kis Napoli» radiostansiyasi orqali jonli efirda muxlislarning savollariga javob qaytardi va Hames Rodrigesning transferiga ham alohida to‘xtalib o‘tdi.

“Hemes bu  Anchelottining xohishi! To‘g‘risi, bilmayman u bizga foyda keltiradimi, yoki yo‘qmi? Uning iqtidoriga hech ham shubha qilayotganim yo‘q. Mening vazifam murabbiyga yordam berish. Agarda u bizga katta summaga aylansada, uni xarid qilishdan qaytmaymiz. Sababi, Karlo uni sotib olishimizni talab qilmoqda!
Agarda Hemes va uning agenti bilan kelishuvga erisha olmasak, bor e’tiborimizni Losanoga qaratamiz. Umid qilamanki, uning agenti Rayola ikki tomon uchun ham qulay shartnomani taklif qiladi.

De Rossi klubiga sodiq!

Bu mavsumda «Roma» klubi bilan tuzgan shartnomasi o‘z yakuniga yetgan Daniyel De Rossiga Italiyaning bir nechta klublari shartnoma taklif qilishmoqda. Ular orasida «Milan», «Fiorintina» singari jamoalar ham mavjud. Futbolchining o‘zi esa, «Roma»dan boshqa klubda o‘ynamasligini  aytgan.
«Sport Italiya» nashrning xabar berishicha, futbolchi o‘zining so‘nggi mavsumlarini MLSda o‘tkazish uchun AQSHga yo‘l oladigan ko‘rinadi.

«Barselona» bir yo‘la ikki o‘yinchini sotib yuborishi mumkin

«Manchester Yunayted» klubi ustozi One Gunnar Sulsher asosiy tarkibni kuchaytirish maqsadida «Barselona» klubining ikki futbolchisni qo‘lga kiritmoqchi. «Qizil iblislar» Katoloniya super klubining Neymar transferi uchun kurash olib borayotganidan unumli foydalanib qolmoqchi. Don Balon nashrining xabar bericha, «Manchester Yunayted» Ivan Rakitich va Samedular uchun 115 million yevro taklif qilishgan. «Barselona» Neymarni xarid qilishni istasa, bu taklif ayni muddao bo‘lishi mumkin. Tomonlar tez orada rasmiy muzokarlarga kirishadi deb xabar tarqatmoqda «Don Balon» matbuot hizmati

«Roma» o‘z yulduzining narixini e’lon qildi

Rimning «Roma» klubi o‘tgan mavsumning kashfiyoti sanalgan Dzaniolaning transfer narxini e’lon qildi. 19 yoshlik italiyalik futbolchi uchun Rim klubi 70 million yevro ishlab olmoqchi.
Futbolchi uchun  asosiy da’vogar bo‘lib turgan «Tottenhem» klubi uning transfer summasini biroz pasaytirish maqsadida har-xil takliflar bermoqda deb xabar tarqatmoqda «Calciomerkato» nashri.
Eslatib o‘tamiz, «Roma» Dzaniolani «Inter» klubidan Naingollan transferning bir qismi sifatida qabul qilgan edi.