"Sherlar" Superliganing 12-turida Toshkentda "Qizilqum"ni qabul qilishadi.

Mazkur bellashuvdan oldin biz jamoalar to‘qnashuvlariga oid ma’lumotlarni keltirib o‘tamiz.

Chempionat doirasida jamoalar 38 uchrashuvda maydonga tushishgan. O‘zaro o‘yinlar bo‘yicha ustunlik yaqqol "sherlar" tarafida. 31 bahsda zafar quchgan "Paxtakor" 6 bor raqib bilan durang o‘ynagan va bir marta imkoniyatni boy bergan. "Qizilqum" darvozasiga 99 gol urilib, 23 to‘p o‘tkazib yuborilgan. Bu safar Navoiy jamoasiga qarshi 100-to‘pni kiritish imkoniyati mavjud.

Toshkentdagi uchrashuvlarning 16tasida jamoamiz g‘alaba qozonib, 2 durang va 1 mag‘lubiyatni qayd etgan. Navoiy jamoasi oxirgi marta safarda 2010 yil ochko olgan - 0:0.

Yuqori liga tarixida qayd etilgan eng yirik natija - 11:0 hisobi jamoalarning Navoiyda 2007 yil o‘tgan bellashuvida kuzatilgan. O‘shanda "Paxtakor" mezbonlarni shunday natija bilan tor-mor keltirgan.

Bahsni jamoalardan diskvalifikasiya tufayli o‘tkazib yuboradigan futbolchilar mavjud emas.

"Paxtakor" va "Qizilqum" o‘rtasidagi uchrashuv 21 iyun, juma kuni soat 19:45da "Paxtakor" stadionida boshlanadi.