O‘zbekiston futbol assosiasiyasi tomonidan hududiy bolalar va o‘smirlar futbol akademiyalari faoliyatini to‘g‘ri yo‘lga qo‘yish, akademiya bitiruvchilarining kelajakda yetuk futbolchi bo‘lib yetishishlarini ta’minlash, milliy va yoshlar terma jamoalari uchun munosib nomzodlar tayyorlash maqsadida bir qator chora-tadbirlar amalga oshirilmoqda.

Jumladan, Andijon viloyati bolalar-o‘smirlar futbol akademiyasi o‘qituvchilari va o‘quvchilari ishtirokida “English For Football” mavzusida ochiq dars o‘tkazildi. Ochiq dars davomida ingliz tili bo‘yicha mutaxassis Sa’dulla Muzaffarov “English For Football” o‘quv-dasturi asosida murabbiylar bilan futbolga oid terminlar bo‘yicha guruh bo‘lib ishlash  va yakka tartibda gapirish orqali mashg‘ulot olib borildi.

Shundan so‘ng “British Premier Skills” dasturi asosida ishtirokchilarga master-klass o‘tib berildi.