Bugun Janubiy Koreyaning Seul shahrida o‘zbekistonlik ikki bokschi, yengil (61,2 kg) vaznda Abdurasul Ismoilov (6-0, 3 KO) hamda Shohrux Ashurov (2-1, 0 KO) navbatdagi reyting janglarini o‘tkazishdi. Bu haqda GoSport.uz internet-nashri manbalari xabar bermoqda.
Bobur va Nabijon Najmiddinov hamda Zufar Sulaymonov shogirdlari raqiblariga hech qanday imkoniyat qoldirishmadi. 6 raundlik janglarda Abdurasul Ismoilov xitoylik Kung Vangni katta ustunlik bilan, ochkolar hisobiga ko‘ra, mag‘lub etgan bo‘lsa, Shohrux Ashurov rossiyalik Mixail Lesnikov ustidan yaqqol ustunlik bilan g‘alaba qozondi.
Shunday qilib, Abdurasul profi boksdagi oltinchi jangini o‘tkazib, bularning barchasida g‘alaba qozondi va o‘zining mag‘lubiyatsiz seriyasini davom ettirmoqda. Shohrux Ashurov esa, uchinchi jangidagi ikkinchi g‘alabasini qo‘lga kiritdi.